上個月既今天就是我感受10級痛楚的大日子......嘩! 也是10級難忘, 事原係..........

早上六時正, "book" 一聲將我弄醒, 等待了兩個星期既我,第一句既心中話就係"yes" bb要出世啦! 記得前一晚還模住個肚同bb講: "你要出世啦, 媽媽個肚唔夠你住架啦", 他真的乖巧, 知道了! yes! mother, 立即出世仍得, 得咗....我第一時間拍醒老公, 呀!我穿羊水啦! 第二就是拍姐姐既門口叫佢起身,  I will give birth today, go the hospital now!!!!!! 我真的很清醒，　第一時間去刷牙洗面，　ｃａｌｌ的士，　哈哈！

但係由於時間太早，ｃａｌｌ開既的士私機都未睡醒．．．．只有坐住ｖａｎ 仔去元朗市中心再轉的士啦！整個過程，我都係好急既樣！而老公就好緊張，　問非所答．．．．同的士私機講：　屯門醫院，急症室！！！呀！唔係，　係生仔個 度　（我ｏ咀）．．．的士私機講：即係急症室啦！老公回應：哦！我還記得當時落緊雨，我心裡講：（（（裡面既人聽住，唔準係的士出世，要到醫院先可以出 黎，知唔知？）））

去到醫院，因為未到７點，要直接去產房，姑娘第一時間幫我量度開咗幾多度，她說只有一度，她還問我痛唔痛？　我說未有 感覺，　之前只有穿羊水，　當時已見紅了，　好多血呀！我重未有痛既感覺．．．無幾耐，大約半個鐘，姑娘再來看我，佢問我打唔打止痛針，我說，只係少少痛 喎！佢叫我打比較好，因為如果再開多ｄ就唔可以打架啦！我說：咁打啦！打完唔夠１５分鐘已開到六度了！佢立即推我入侯產室，當時姑娘幫我再量度，已開到９ 度，　我重望住頭上三個大光燈，　仍有笑容既我重同姑娘講：嘩！咁大既燈照住我　（下體）呀！好似拍戲咁！佢回應你重可以講笑，真係可以生多幾個！！！我 心想：車！９級痛都係咁少野，　好易生”姐”！　好彩呢句說話無講出來，　因為好戲在後頭．姑娘比個手電我ｃａｌｌ我老公入來，無幾耐佢已係我身邊，當時 姑娘話，你已開到１０度了，　可以嘗試生啦！　一到了１０度，　我個頭已左右狂轉，嘩嘩嘩！好痛呀！老公問我既問題已經一句都無答．．．即係：當佢無 到．．．

姑娘叫我一痛既時候就出力生，　我咪好大力咁出力生，出咗力都十幾次之後都係生得好似個橙咁大，一放鬆，ｂｂ個頭又返入去，姑娘 見我ｄ力唔夠勁，當我出力既時候就問我痛唔痛？我話唔痛喎！　唉！佢又ｒｅｍｉｎｄ我：咪叫你痛先出力生囉！　我話：　係喎，唔記得ｔｉｍ，　心唸”我一 痛就無曬力啦，　好想問姑娘生過未．．是否知道又痛又要出力唔係講咁容易．．．但是仍ｒｅｍｉｎｄ自己唔好咁多事．．出力生了都有二十多次，姑娘幫我剪了 一刀，　咁個刀就一點也不痛，好爽．．再出力就生咗出來了，　ｂｂ哭了一聲．便比姑娘抱去洗澡，老公最後一句說話是：濤濤，辛苦你啦！而之前他和我說的話 全部都唔記得，而ｂｂ一直都望住我，眼仔ｌｏｏｋｌｏｏｋ好可愛！之後姑娘幫我連針就一ｄ都唔痛了，佢重好小心幫我連，驚我痛，　其實當時已沒有感覺了！

生完仔，感覺好肚餓，更係啦，我重未食早餐呀，當時已１２點啦，姑娘比咩我食都放入肚先，食完之後就推我去產後病房，　嘩，一路上經過走廊見到老公和奶 奶．．．第一句就說：ｈｅｌｌｏ！生完啦ｙｅａｈ！．．．．哈！生完既感覺勁好．．．期待咗１０個月既時刻終於過去了，　多謝ｂａｂｙ和我的"誠絡"：約 定的３個鐘．．實際痛咗兩個半鐘便生咗！　ｙｅａｈ！不知道什麼是產後抑鬱，只知道產後興奮症！我就是過份興奮，　至疲累不得而．．．現在坐月都過去既我 當然輕鬆說出”咁就生咗”！而當時生緊既我會後悔點解唔多ｄ做ｇｙｍ，大力ｄ既話可能１個鐘就交功課．．．^_^